Vídeo con declaracións de Sandra Vilela
Despois de moitos anos traballando nas bases do partido e de varios anos como voceira municipal, Sandra Vilela recibiu a alternativa como candidata.
Para o presidente provincial do PP, Diego Calvo esta muller “integradora e traballadora” constitúe “a mellor aposta que podemos facer por Muxía, estou seguro que pode recuperar a alcaldía”.
Acabar coa política clientelar do PSOE
Nas súas primeiras verbas como candidata prometeu “esforzo e sacrificio” para iniciar unha nova etapa e “reconquistar a confianza de todos os veciños de Muxía, despois dunha etapa dura cun goberno socialista carente da máis mínima ambición e só centrado nunha política clientelar”.
Vilela está convencida de que o programa do PP é o axeitado “para rexenerar Muxía e devolvela á senda do progreso”.Para iso pediu a confianza dos veciños para traballar por este concello e acabar cos “aproveitados” da política.
