Turismo Costa da Morte// “A Costa da Morte ten a opción de convertirse no primeiro destino de turismo deportivo de Galicia” afirmou o deputado Xosé Regueira.
O salón de plenos do concello de Cabana de Bergantiños acolleu a presentación do plan formativo da CMAT para o último trimestre deste 2018. No acto estiveron presentes o diputado provincial de Turismo, Xose Regueira, o presidente da CMAT, Juan José Blanco, Pablo Canosa, secretario da CMAT e os alcaldes de A Laracha, Jose Manuel López Varela, e Cabana de Bergantiños, José Muiño.
O deputado provincial Xosé Regueira manifestou que “a Costa da Morte ten a opción de convertirse no primeiro destino de turismo deportivo de Galicia. Ningún outro destino galego estase a tomar tan en serio o potencial desta parcela do turismo”.Por outra banda Juan José Blanco, presidente da CMAT destacou “ a calidade dos nosos productos e empresas, e as multiples actividades que desenvolven ao longo do ano”.
Módulos para o sector hostaleiro e turístico da Costa da Morte
O programa formativo da CMAT consiste en distintos módulos formativos relacionados coa mellora da competitividade da hostalería e das empresas turísticas da Costa da Morte en gastronomía local, interpretación, marketing e novas tecnoloxías aplicadas ao turismo natural e cultural, ou marketing e comercialización de actividades de turismo activo e deportivo.
Tamén hai módulos sobre inglés básico e medio aplicado a hostalería ou á persoal dos concellos e aos informadores turísticos.Despois da presentación en Cabana de Bergantiños, celebrouse unha mesa de traballo. En Corcubión está prevista outra este martes.