O Bloque Nacionalista Galego de Cee dou conta das numerosas deficiencias que presenta o colexio Eugenio López de Cee cando está preto o inicio do curso escolar. Nun comunicado de prensa, acompañan unha ampla selección de fotografías que certifican as necesidades do centro educativo.
O BNG pide que se retiren os areeiros que «están pegados as ventás do comedor» e son un «foco de infección constante» por distintos motivos. Tamén solicitan que se acondicione o espazo para outros xogos e se acometa a reposición das pranchas de cubrición do cuberto, retirando as rotas e colocando unas novas no seu lugar, a retirada o lixo situado no perímetro do centro, e a substitución dos valados de madeira dos parques.
Entre as peticións dos nacionalistas tamén está a reposición do empedrado exterior e a reparación das zonas de enlousado do piso e as escaleiras de entrada, facer desaparecer as pedras que asoman do chan, o estudo da posibilidade da retirada da área que rodea o recinto,e o recubremento dos piares do patio cuberto con materiais acolchados e que eviten golpes en caso de caída dos nenos e nenas contra eles.
Ademais propoñen a a construcción dunha rampa de acceso pola porta lateral do polideportivo que facilite a entrada de cadeiras de rodas, sen ter que usar a porta principal desde o exterior, e a retirada de calquera obxecto ou ferro do recinto que xa non teña uso e poida supor un perigo para integridade física dos e das menores.
Por último completan as súas reivindicacións pedindo a asunción das labores de mantemento precisas nos campos de xogo exteriores, sanear as porterías e canastras dos mesmos, o tapado e selado en condición todas e cada unha das fendas existentes nas paredes exteriores do edificio e a renovación do muro de peche dianteiro para evitar posibles derrubes.
