O BNG pide un pleno urxente para que o goberno municipal de Camariña releve ao alcalde. (Ilva Carril no centro da foto)
“A Xustiza falou por segunda vez en apenas un ano e Manuel Alonso xa non pode continuar nin un día máis como alcalde de Camariñas” asegurou a concelleira nacionalista Ilva Carril en referencia a ratificación, por parte da Audiencia Provincial, da condena que inhabilira ao rexedor camariñán.
O BNG esixe a convocatoria urxente dun pleno extraordinario e «apela ao PSOE, a forza maioritaria na corporación, a que asuma a sentenza, cumpra os seus propios códigos internos e aparte inmediatamente” a Manuel Valeriano Alonso de León da alcaldía “para non seguir prexudicando á xestión do concello e que poñan a quen teñan que pór no posto para pasar páxina e se empece a atender aos asuntos cotiás de Camariñas” manifestou Carril.
Urxen ao PSdeG a tomar medidas
Para Ilva Carril xa había unha primera sentenza «suficientemente clara contra Alonso por prevaricación e que xa daquela o alcalde debeu ser apartado do seu cargo polo seu partido»
Agora desde o BNG emprazan ao PSdeG a actuar con rapidez diante dun fallo xudicial “que non admite lugar a dúbidas e obriga a Alonso a deixar a alcaldía”.