Reflexión de David Barbeira nas redes sociais// O portavoz galeguista asegura que a súa ideoloxía é a do sentido común.
.jpg)
Ideoloxía de dereitas, un pobo abandonado
O secretario local de Compromiso por Galicia en Santa Comba, David Barbeira, desmarcouse do resto das forzas políticas da corporación actual cunha reflexión sobre as ideoloxías políticas, difundida a través da rede social Facebook, e que provocou certo debate.
Asegura que a ideoloxía de dereitas “que comparte o noso goberno municipal”, do Partido Popular, é a de ter “un pobo abandonado sen apenas servizos” nin un futuro “para a xente nova” nin tampouco “instalacións para ter a nosa xente maior ben coidada”. Barbeira asegura que desde esta ideoloxía “chegan a ameazar axente” que non pensa igual.
Ideoloxía de esquerdas, insulto e rencillas persoais
Barbeira García tamén critica a ideoloxía de esquerdas no concello (representada na corporación polo PSOE) que recorre “ao insulto e as rencillas persoais” sen querer “falar con ningúen” porque xa “dúas ou tres persoas parece que queren cambiar o rumbo deste concello”.
Ideoloxía de centro, o beneficio propio
Tamén se refire á ideoloxía de “centro” de grupos que se presentan uns meses antes das eleccións “buscando sempre o mellor postor”co obxectivo de “pactar en beneficio propio”.
Sentido común
David Barbeira manifesta que a ideoloxía de Compromiso é a o “sentido común”, a de estar “cerca dos veciños” e “defender a liberdade de expresión sen que haxa represalias”.
Como se define Compromiso por Galicia?
Segundo o seu documento político Compromiso é “unha organización política que se declara como galeguista, progresista e socialdemócrata, de base plural, comprometida coa xustiza e a igualdade, que se marca como obxectivos principais a defensa dos intereses colectivos de Galicia, da súa identidade e dos seus dereitos, así como a transformación da súa realidade económica, social e cultural, para conseguir o desenvolvemento integral do noso pobo”.
