Vídeo no interior da noticia. XI Xornadas Muros mira ao Mar.
Rafael Lema e Xosé Enrique Rivadulla Corcón.Dúas persoas polifacéticas da Costa da Morte uniron as súas voces nas XIV xornadas de cultura mariñeira“Muros mira ao Mar” para desmitificar a chamada lenda negra da Costa da Morte. Aquela que fala de luces nos cornos das vacas e outras historias.
“Non hai nin un so dato documentado onde un capitán, unha compañía de seguros, un armador, un náufrago ou un consello de guerra, fagan a mínima mención a que un naufraxio fora provocado por xente de Galicia” explicaba Rafael Lema.
Leva anos o escritor da Ponte do Porto con esta teima, con esta xusta loita.”A lenda negra da Costa da Morte é un invento de gacetilleiros e novelistas naturalistas plaxiadores”.
“A nosa costa é todo o contrario”
Xosé Enrique Rivadulla Corcón agradeceu a exposición de Lema Mouzo e engadiu que lenda negra “é unha estupidez de xente que non tiña nada que ver co mar” porque “a nosa costa é todo o contrario, con xente que se caracterizou por salvar vidas”.
Rafael Lema e Rivadulla Corcón protagonizaron a primeira charla das xornadas “Muros mira ao mar”, ás que asistiu tamén a alcaldesa, María Xosé Alfonso.
