Manuel Antelo: “As persoas non somos imprescindibles e os proxectos necesitan renovacións”.
“Pensarei se me presento ou non. Non o teño decidido” manifestou esta mañá o alcalde de Vimianzo en declaracións ao programa “Voces de Bergantiños” de RadioVoz.Manuel Antelo asegurou que “a política municipal desgasta moito” e que “é moito o esforzo e as veces as compensacións en canto á execución do programa tardan moito en verse”.
Tamén falou de “exceso de traballo” e da situación de moitos concellos “que estamos en mínimos en canto a persoal”. Ante lo puxo en valor a súa contribución “a un cambio político” en Vimianzo que xa non ten “marcha atrás”.
“Non teño problema en apoiar á persoa que queira poñerse diante deste proceso“.
Afirmou que está disposto a colaborar nun cambio de liderado na opción política que agora mesmo representa Adiante Vimianzo:”Non teño problema en apoiar á persoa que queira poñerse diante deste proceso“.
De tódolos xeitos, Antelo quere pensar o seu futuro e tomar unha decisión:“Non estou disposto a impulsar un goberno continuísta, estou disposto a impulsar un goberno de continuidade” dixo.
Nesta entrevista coa xornalista Verónica Couto, Antelo Pazos recoñeceu que “a política cansa” e que el cree nunha “perspectiva de ciclos”.Para Manuel Antelo “as persoas non somos imprescindibles e os proxectos necesitan renovacións”.
Nesta xornada, tamén falaron os distintos voceiros da oposición. A edila socialista, Paula Mouzo, augurou que “esta basura de oposición vaille a sacar o goberno” ao actual mandatario.