Os alumnos visitan Bolonia, Venecia e Casteldefranco.
Un grupo de mozos e mozas que participan no obradoiro de emprego Proturismo 2017, promovido polos concellos de Dumbría, Mazaricos e Santa Comba viaxaron a Italia para desenvolver o proxecto “Camiños de Formación”, acompañados pola directora do programa Anabel Piñeiro.
Nesta xeira manterán distintos encontros e participarán en actividades en Bolonia, Venecia e Casteldefranco co obxectivo de “promocionar en Italia a prolongación do Camiño de Santiago a Fisterra-Muxía e o turismo de natureza”.
Camiños de Formación
Con esta iniciativa tamén se persegue “a adquisición de habilidades e competencias non formais que faciliten o desenvolvemento persoal e melloren a empregabilidade do alumnado” e poñer en practica todo o aprendido no obradoiro de emprego que está a piques de rematar.
Desde a dirección do Obradoiro Proturismo salientan que con “Camiños de Formación“ os concellos de Dumbría, Mazaricos e Santa Comba“amosan a aposta decidida pola formación como eixe de desenvolvemento fundamental no noso territorio así como a importancia cada vez maior que o turismo ten para a nosa zona”
