Visita a Vimianzo do voceiro de En Marea, Luis Villares.
O voceiro de En Marea, Luis Villares, visitou o concello de Vimianzo acompañado polo deputado Davide Rodríguez, e desde onde denunciou “o desgoberno e a incapacidade da Xunta de Galicia” para adoptar medidas para facer fronte á Praga da couza da pataca.”A realidade demostra que as medidas tomadas polo Goberno galego chegaron tarde» indicou Villares.
Desde En Marea piden que se poña a funcionar “de xeito real” a mesa de seguimento creada o ano pasado, que se revisen as medidas adoptadas “que non funcionaron” e se modifique o decreto de axudas.
Luis Villares mantivo unha xuntanza co alcalde de Vimianzo, Manuel Antelo, visitou a feira da capital da Terra de Soneira e tamén se achegou a un almacén de patacas en Carnés, para falar co seu propietario. Antelo tamén pediu máis “firmeza” ao goberno galego na xestión desta Praga.Desde En Marea destacan que se trata dun sector estratéxico.
