Éxito das “Pegadas na Terra do Xallas”. @xmlema
A iniciativa dos alumnos e das alumnas do obradoiro de Emprego Proturismo 2017, no que participan os concellos de Santa Comba, Dumbría e Mazaricos foi valorada como un “éxito” polos seus propios promotores, con preto dun cento de persoas que asistiron ás visitas teatralizadas que se desenvolveron na Casa do Pozo.
Polo seu formato e pola propia idea en si, “Pegadas na Terra do Xallas” debería ter continuidade, afondando incluso noutras pasaxes da historia de Santa Comba ou da comarca. Polo momento, desde o obradoiro están abertos a repetir estas representacións “baixo petición” no teléfono 663202251 ou no enderezo electrónico proturismo.terradoxallas@gmail.com.
O obxectivo era “amosar o contido do Museo Terra do Xallas dende unha óptica diferente, combinando humor e historia, para poñer en valor e visibilizar os recursos da vila”. Cumpriuse e hai que dar os parabéns a toda a familia de Proturismo 2017.
As visitas teatralizadas tiveron lugar os días 26, 27 e 28 de marzo. Os alumnos interpretaron a diversos personaxes populares que ao longo dos anos deron vida ao municipio. E segundo confirman distintas fontes, con profesionalidade e paixón.