Esta tarde o veciño de Bamiro procedeu a demolición da súa casa.
Evaristo Blanco quixo falar antes do derrube da súa casa. Estivo acompañado por un grupo de veciños e polos voceiros do Partido Popular (Raquel Rodríguez) e Terra Galega (José Manuel Rodríguez). Tamén agradeceu o apoio de IxV e PSOE.
“A miña casa non está ilegal, porque teño un proxecto e unha licenza urbanística para unha leira que é edificable, pero houbo un erro no proxecto” dixo Blanco, que cualificou de “mentireiro” e “trapalleiro” ao alcalde de Vimianzo, Manuel Antelo Pazos.
.jpg)
“Isto era o que quería o señor alcalde desde o primeiro día”
“Eu tiro a casa porque teño unha hipoteca de 150.000 euros ao lombo e teño que pagar multas” comentou o propietario da vivenda de O Ceán afectada polas multas da APLU e, segundo el, tamén pola inacción do goberno local:“Isto era o que quería o señor alcalde desde o primeiro día”.
Insistiu nun trato desigual con respecto a outro veciño “amiguiño seu” e afirmou que “as leis en Vimianzo non son para todos iguais”. Evaristo Blanco asegurou que foi vítima “dunha chantaxe no despacho da alcaldía”
