Piñeiro Docampo e Orlando Villamayor participaron nun encontro en Sabin Etxea, sede central do PNV en Bilbao.
O secretario xeral de Compromiso por Galicia, Juan Carlos Piñeiro Docampo e o secretario de organización, Orlando Villamayor, mantiveron unha reunión co presidente do Euskadi Buru Batzar( EBB), órgano executivo do PNV, Andoni Ortúzar e co responsable da área de organización, Joseba Aurrekoetxea.
Un dos asuntos tratados na reunión foi a posibilidade de volver a presentarse en coalición nas eleccións europeas de 2019. Fontes do partido galeguista confirman que os dous partidos “comparten o desexo e vocación de que así sexa”. Compromiso e PNV recoñecen as “excelentes relacións” que manteñen ambas as formacións.Tamén falaron da situación política de Galicia e de Euskadi. Os dirixentes vascos informaron sobre a proposta de autogoberno exposta polo PNV. Ortúzar e Piñeiro volverán reunirse durante a próxima primavera.
En 2014, Compromiso por Galicia formou parte de Coalición por Europa, entón xunto con PNV, CDC, UDC e Coalición Canaria.