Reprochan a Núñez Centeno que votara en contra das enmendas do BNG que recollían melloras para Carballo.
O Bloque Nacionalista Galego de Carballo lamenta que Carballo non apareza nas previsións dos novos centros de saúde previstos pola Xunta de Galicia, o que supón que “a Xunta seguirá penalizando aos nosos veciños e veciñas sen unhas novas instalacións que eviten a saturación do edificio actual e dos profesionais que prestan servizo nel”.
Os nacionalistas sinalan ao portavoz municipal e deputado autonómico Aurelio Núñez Centeno:”Pouco se pode agardar do goberno autonómico do Partido Popular cando nin sequera o deputado de Carballo, que ademais é portavoz do grupo municipal do seu partido, vota a favor das emendas presentadas polo BNG para poñer fin ás principais eivas que ten o noso concello en materia sanitaria”.Estas enmendas recollían a petición dun centro de saúde, unha ambulancia medicalizada e máis consultas de especialidades.
Desde o BNG tamén fan referencia ás demandas do PP local sobre política social:”Cando Aurelio Núñez nos pide a través da prensa que “reflexionemos” sobre a nosa política social no Concello de Carballo debería pensar que a sanidade tamén forma parte da política social de calquera goberno”.E aseguran que as administracións locais asumen en distintas ocasións competencias propias da Xunta de Galicia.
