José Manuel Pequeño destaca que as obras mellorarán a seguridade vial.
A Deputación da Coruña destina 951.847 euros para realizar melloras viarias nos concellos de Zas, Ponteceso, Dumbría e Cee.O deputado responsable da área de Vías e Obras da institución provincial, José Manuel Pequeño Castro, destacou a importancia das obras, que contribuirán a mellorar a seguridade da circulación.
O proxecto máis custoso é o que se vai a realizar na DP-9301, nunha zona próxima ao núcleo de Baio(Zas) no que se invisten 551.302,75 euros.
Esta vía provincial conecta a estrada A Coruña-Fisterra e a estrada Baio-Ponteceso e quedará “como unha travesía con carrís de circulación de 3 metros de ancho e beirarrúas de 2 metros” incluíndo na marxe dereita, que ata o de agora non existían. Mellorará a seguridade vial na zona.Os traballos inclúen a dotación dunha nova rede de pluviais e dunha nova capa de rodaxe para a calzada.
Ponteceso, Dumbría e Cee
No concello de Ponteceso adxudicouse a construción de dúas novas sendas peonís nas estradas DP 6801 da Campara a Corme por Brantuas e DP 6804 de Corme ao Roncudo, por importe de 158.315 euros.
Outra actuación do organismo provincial é a mellora do firme da estrada DP2302 entre o lugar de Hospital, no concello de Dumbría, e Brens, en Cee.Neste caso o investimento ascende a 214.000 euros.
