O alcalde Félix Porto nega as acusacións dos populares.
A portavoz do Partido Popular en Muxía, Sandra Vilela, denunciou a existencia de irregularidades no proceso de contratación de dúas das persoas do Servizo de Atención no Fogar.
Os populares perciben que detrás desta contratación escóndese “unha forma encuberta de meter a dedo ás persoas que lle interesan ao alcalde”.Critican que a empresa externa subcontratada polo concello “non fai proceso de selección, nin anuncia na web municipal a apertura deste expediente”.
Sandra Vilela afirma que estamos ante un claro exemplo de “escurantismo” e aínda que haxa unha empresa por medio “é chamativo que unha das persoas elixidas o ano pasado foi a irmá dun concelleiro e que, posteriormente, estes traballadores foron tamén elixidos para as prazas que outorga o concello”. Para o PP de Muxía esta é unha maneira de actuar “pouco moral” e reclaman “as mesmas oportunidades para todos”.
Reacción do alcalde Félix Porto
En declaracións a Adiante Galicia, o alcalde de Muxía, Félix Porto, restou importancia as críticas dos populares.“O tema é moi sinxelo, prorrógase o orzamento e antes de quedar sen servizo como non se pode facer o procedemento cóbrense así as prazas”.
“Non hai ningunha irregularidade” afirmou Porto que criticou a Sandra Vilela:”A irregularidade está na mente dela que ten unha mente irregular e por iso di tonterías”.