E.nova Enerxía é a empresa que gañou o concurso para o subministro eléctrico. 23.000 euros de aforro en seis meses cunha orixe renovable.
O concello de Vimianzo aforrou no último semestre de 2017 uns 23.000 euros no gasto eléctrico.Un 20% respecto ás condicións que tiña contratadas anteriormente.
A orixe deste importante aforro para as arcas municipais está no contrato de subministro eléctrico que licitou o concello soneirán. A empresa gañadora do concurso foi E.nova Enerxía, de capital galego, e que ademais garante a procedencia 100% renovable da enerxía, nun claro compromiso co medio ambiente.
Aforro e enerxía renovable en Vimianzo
“En Vimianzo aforramos na factura eléctrica 4.000€ ao mes e consumimos só enerxía renovable” manifestou o alcalde Manuel Antelo, que fixo unha valoración positiva deste contrato.Así mesmo Antelo destacou que nun contexto de suba do prezo da luz, o concello paga menos grazas a optimización dos recursos.
E.nova Enerxía é unha empresa comercializadora que ofrece o aforro garantido aos seus clientes, atención e servizo personalizado, contratos transparentes sen ataduras non permanencias e o uso de fontes renovables.
Froito de súa aposta pola chamada enerxía intelixente, está penetrando nas comarcas de Xallas, Bergantiños e na Costa da Morte e cada vez son máis as pequenas e medianas empresas, as que contratan os seus servizos con esta empresa.