Terra Galega pide explicacións sobre o salario que está percibindo o alcalde, Abraham Gerpe, que continúa de baixa.
O portavoz de Terra Galega en Coristanco, Amancio Lavandeira, lamenta a situación que se vive no concello de Coristanco xa que asegura que desde o día da moción de censura do pasado 25 de agosto non houbo xestión política no municipio:”Agora os que fan xestión son os técnicos. Non existe unha xestión política nin un alcalde, hai a sensación de que existen tres á vez” asegura.
Lavandeira denuncia que “o urbanismo está estancado e non hai persoal nesa oficina.Antes había certo retraso, pero hoxendía duplicouse”. Tamén incide que hai “moitas queixas” polo alumeado e que a limpeza dos locais públicos xestiónase “en precario.”O que funciona é grazas ós traballadores e ós funcionarios, isto é unha auténtica parálise” sinala o xefe da oposición.
A situación de Abraham Gerpe
O portavoz de Tega pediu explicacións por escrito sobre a situación do alcalde Abraham Gerpe, que está de baixa, ao que criticou pola súa actitude:”Insistiu en que non cobraría o seu soldo mentres houbese débedas. Nós deixamos un diñero, pero eles non recoñeceron esa situación e polo tanto non debería cobrar mentres non recoñeza que existe o superavit”.
Agora piden aclaracións sobre todo lo relacionado coa situación contractual e laboral do alcalde, que como lembran en Tega “desde o día da moción de censura está cobrando ese salario”.