//Queixas no concello pola cancelación de citas// Manuel Muíño reclamará unha solución á Xunta de Galicia//
O alcalde do concello de Zas, Manuel Muíño Espansandín, ten previsto solicitar unha xuntanza coa directora de Procesos Asistenciais do Sergas, para trasladar o malestar existente nas familias “pola cancelación de citas sen previo aviso”.
Desde xeito, desde o goberno local de Zas apoian a “xusta reivindicación das familias dun servizo de pediatría que garanta unha asistencia de calidade para os seus fillos e fillas”.
Ante as queixas existentes, o alcalde esixirá que a Xunta adopte “medidas precisas para que os nenos e as nenas do noso concello reciban a atención médica que precisan e merecen”.
A explicación do concello de Zas
Segundo explican desde o concello, contan “cun especialista en pediatría que presta asistencia en días alternos nos centros de saúde de Zas e Baio, pero as familias usuarias do servizo denuncian que en repetidas ocasións, malia ter solicitado cita previa, atópanse con que o persoal sanitario non está no centro que lle corresponde, co cal as citas cancélanse sen previo aviso e pais e nais vense obrigados/as a recorrer ao servizo de urxencias para solucionar calquera problema propio da atención primaria”.