5356 fans     1475 seguidores     43 seguidores - Club Adiante - Dirixe: Xosé Manuel Lema [Contacto]
Adiante Última Hora
  • Cargando las noticias de última hora...Cargando las noticias de última hora...

A Laracha aprobou os seus orzamentos que superan os oito millóns de euros

A Laracha aprobou os seus orzamentos que superan os oito millóns de euros

Costa da Morte | Publicada: 04/01/2018

Aumentar texto Disminuir texto Reiniciar texto
0
0
0

Email Google+ Pinterest WhatsApp Menéame Chuza! Cabozo

Tempo de lectura: 10 minutos e 14 segundos.

José Manuel López Varela: “Son bos para os veciños, xa que dan cobertura en todas as áreas posibles”.

 
 
O Pleno da Corporación municipal da Laracha aprobou hoxe en sesión extraordinaria os orzamentos xerais municipais para o exercicio económico 2018, que están equilibrados en gastos e ingresos e sitúanse en 8.020.945,94 euros, incrementándose nun catro por cento con respecto ao ano anterior e superando por primeira vez os oito millóns.
 
 
José Manuel López Varela, alcalde do Concello da Laracha, agradeceu o labor realizado polo funcionariado e persoal laboral municipal adscrito aos departamentos económico e xurídico, que permitiu presentar no Pleno o proxecto de orzamentos na primeira semana do ano. Como dato significativo para salientar o volume de traballo realizado, aportou que no último trimestre de 2017, tal e como está reflectido no informe do período medio de pagamento, o Concello da Laracha fixo fronte a abonos por un importe total de 1.807.000 euros entre certificacións de obras e facturas a provedores.
 
 
O rexedor local referiuse aos novos orzamentos como “bos para os veciños do Concello da Laracha, xa que estamos dando cobertura en todas as áreas posibles, como a asistencia social, a cultural, a educativa e a deportiva”. López Varela afirmou que foron realizados “con moita cautela nas previsións de recadación” e apuntou que os impostos municipais se manterán conxelados nos tipos mínimos permitidos por lei. Tamén sinalou que os presupostos son vivos e, por tanto, poden variar nos próximos doce meses, algo que xa sucedeu nos últimos anos acadando “importantes volumes de mellora ao peche, cando se ve a realidade da xestión”.
 
 
Por apartados, salientou que máis de un millón de euros se destinarán á asistencia social primaria para financiar programas como o servizo de axuda no fogar ou o Harmoniza (apoio á conciliación a través da aula lúdica municipal e do servizo Madrugadores), así como as achegas municipais correspondentes ao centro de día e fogar residencial e á escola infantil, o mantemento dos centros sociais da terceira idade da Laracha, Paiosaco e Caión, o Centro de Información ás Mulleres e as diversas accións formativas e actividades de envellecemento activo que se levan a cabo ao longo de todo o ano. Tamén se inclúe neste apartado o fondo de emerxencia social, necesario para atender as necesidades básicas das familias máis desfavorecidas. Neste sentido, o alcalde aseverou que “ningunha familia ou persoa que conte cos informes favorables dos servizos sociais vai quedar sen cobertura municipal”.
 
 
Máis da metade do desembolso total destinarase ao financiamento dos gastos correntes derivados do mantemento das infraestruturas de titularidade pública e a prestación dos diferentes servizos de interese comunitario. Inclúense neste apartado a planificación das actividades a desenvolver polos distintos departamentos municipais, sempre desde a base da racionalización do gasto, pero tamén co compromiso de manter todos os servizos, ampliar os que sexa necesario e crear novos en función do interese xeral.
 
Preto do vinte por cento dos orzamentos, máis de un millón e medio de euros, serán para investimentos reais. Entre os proxectos máis destacados están a achega municipal para a construción do viveiro de empresas no polígono industrial, a construción dunha pista multideportiva descuberta de uso libre xunto ao IES Agra de Leborís e diversas melloras na rede viaria municipal, mesmo tendo prevista a apertura de novas estradas. Ademais, López Varela salientou a “aposta por comprar e poñer en valor o patrimonio histórico-artístico municipal” xa que en 2018 está previsto adquirir as restantes parcelas do Castro de Montesclaros e tamén todo o terreo vinculado ao menhir de Erboedo. Tamén fixo referencia á cantidade de actuacións de mellora das infraestruturas públicas municipais previstas para os próximos doce meses, xa que entre as contempladas nos orzamentos, as que serán financiadas co remanente e as incluídas en convenios con outras administracións, alcanzaranse os 3,4 millóns de euros.
 
 
O capítulo de persoal increméntase lixeiramente con respecto ao do ano anterior. Inclúe a creación de dúas prazas de Policías Locais como funcionarios de carreira e a contratación de tres auxiliares de Policía Local durante seis meses, de dous auxiliares administrativos e do persoal das brigadas contra incendios.
 
 
Por outra banda, en 2018 reforzarse a colaboración económica coa Agrupación de Voluntarios de Protección Civil e manterase a achega municipal á Confraría de Pescadores de Caión (polo museo do Arquivo da Pesca), á Asociación de Comercio (ACSIL) e a todas as comisión de festas das trece parroquias que organicen actividades para celebrar o seu patrón. Tamén quedan blindadas as partidas dirixida ao apoio económico ao asociacionismo (entidades culturais e educativas, clubs deportivos, etc.).
 
 
Os orzamentos foron aprobados cos votos a favor do grupo de goberno (PP) e a abstención do grupo dos socialista (PSOE) e do concelleiro do grupo mixto. O grupo dos nacionalistas (BNG) foi o único que se posicionou en contra.
 
 
Onde houbo unanimidade dos catro grupos foi na aprobación das modificacións das seis ordenanzas fiscais municipais que require a adhesión da Laracha a “Concellos Doing Business”, o programa impulsado pola Xunta de Galicia e a Fegamp que establece un marco de colaboración coas administracións locais para implicarse de maneira directa na captación de empresas e a xeración de emprego. As medidas a tomar céntranse en ofrecer incentivos fiscais e simplificar os trámites administrativos a realizar a cambio de que os beneficiarios das mesmas se comprometan a crear postos de traballo no termo municipal.
 
 
Grazas ás modificacións nos textos aprobadas hoxe, as empresas que se implanten na Laracha ou as que amplíen os seus establecementos e xeren emprego, poderán acceder a bonificacións no imposto sobre bens inmobles (IBI), actividades económicas (IAE) e construcións, instalacións e obras (ICIO), ademais de non estar suxeitos á taxa por expedición de licenza de apertura e de comunicación previa. 
 
 
O alcalde referiuse a este programa como “unha boa ocasión para xerar riqueza e oportunidades de emprego no Concello da Laracha”.
 
Fonte- Concello da Laracha

Se queres podes deixar un comentario sobre esta noticia no Facebook:

Pódeche interesar...

Libera y la Fundación Franz Weber se oponen a las medidas contra los jabalíes autorizadas en Cariño

Libera y la Fundación Franz Weber se oponen a las medidas contra los jabalíes autorizadas en Cariño

 La asociación Libera y la fundación Franz Weber, que reclaman un mayor respeto a los animales, han criticado hoy la …

Ler máis
CIG denuncia un fraude electoral en la aprobación del convenio colectivo de Ferroatlántica

CIG denuncia un fraude electoral en la aprobación del convenio colectivo de Ferroatlántica

Para la organización el nuevo convenio usurpa la representación de las fábricas de Cee y Dumbría y de las centrales …

Ler máis
El alcalde de Santiago apela a la libertad de expresión en relación al pregón del Carnaval

El alcalde de Santiago apela a la libertad de expresión en relación al pregón del Carnaval

Sobre la admisión a trámite de la querella dice que no son “tiempos de la inquisición”    (EFE).- El alca…

Ler máis

Noticias sobre A Costa da Morte, as suas comarcas e os seus concellos: Bergantiños, Soneira, Camariñas, Carballo, Cee, Corcubión, Dumbría, Fisterra, Muxía, Vimianzo, Santa Comba e Zas.
Opinión
Enova Energia
Autos Xallas
Feira Outono Santa Comba 2018
RiXallas Santa Comba 2018
Concello de Coristanco
El candidato ganador: Cómo organizar campañas electorales para ganar unas elecciones (Marketing Político)
Concello de Dumbría
Concello de Mazaricos
En breves

Adiante TV

Opinión

Los Reyes desnudos de la política

Xosé Manuel Lema Mouzo

Yo sigo viendo Reyes. Y están desnudos!. El cuento de Andersen aplicado a la política. No por tópico y conocido deja de tener vigencia aquel cue…

Xosé Manuel Lema Mouzo
Ler máis

La Hélade entonces y la España actual. Mujeres y hombres y viceversa

José Gilgado

La vida del hombre en sociedad requiere la asunción de unas pautas de comportamiento que garanticen la viabilidad del proyecto común. Las leyes regu…

José Gilgado
Ler máis

El nerviosismo que genera el crecimiento meteórico de Vox

Pablo Cancio

Varios días antes de tener lugar el acto de VOX en el Palacio de Vistalegre, bastión de la izquierda en Carabanchel, ya estaba colgado el cartel de …

Pablo Cancio
Ler máis

Conversas na Encrucillada

Usamos cookies propias e de terceiros para mostrar publicidade personalizada segundo a súa navegación. Se continua navegando consideramos que acepta o uso de cookies. OK Máis información