Vídeo-noticia// Declaracións de José Moreira
O director técnico de Africor Coruña, José Moreira, cualificou de “exitosa” a poxa celebrada o pasado domingo dentro da Semana Gandeira de Mazaricos valorando “o traballo que fixemos entre todos”, xa que contaron co apoio do concello e da asociación de gandeiros locais.
Para José Moreira é relevante que “despois de vinte anos traballando na mellora xenética vexamos animais de altísima calidade nunha poxa de gando”. Neste senso está convencido que estes eventos “potencian a imaxe comercial da gandería de Galicia”.
O técnico, que se encargou de coordinar a poxa no recinto feiral da Picota, amosou a súa satifacción porque “o sector respondeu cunha asistencia masiva” e pola “altísima calidade” das vacas que desfilaron pola pasarela de Mazaricos. Moreira non se esqueceu de suliñar “a resposta positiva” que houbo nos prezos acadados.
