Actividades do obradoiro Proturismo 2017 dos concellos de Santa Comba, Mazaricos e Dumbría.
Os alumnos e alumnas do obradoiro de emprego Proturismo 2017 fixáronse nun dos eventos sociais máis relevantes de Santa Comba, a súa feira, que exemplifica a historia e tradición comercial deste cruce de camiños.
Os alumnos da especialidade de promoción turística local e información ao visitante percorreron este pasado luns a feira xalleira realizando unha enquisa entre as persoas que estaban nos postos de venda ou na contorna do campo da feira.O obxectivo era recabar datos para posteriormente analizar a potencialidade turística e posibles actividades de promoción que se poden levar a cabo.
Este vindeiro xoves haberá unha xornada de traballo no concello de Mazaricos “ para coñecer mais de preto os recursos turísticos que o alumnado da especialidade está inventariando”.
Adecentamento de espazos verdes
Pola súa banda os alumnos da especialidade de xardinaria iniciaron as práctivas nunha zona verde situada na contorna da Casa-Escola de Castriz e nos vindeiros días desenvolverán a súa tarefa nos espazos verdes da Casa da Cultura de Santa Comba.
O Obradoiro de Emprego PROTURISMO2017 conta con dúas especialidades, con 10 alumnos/as cada unha, Promoción turística local e información ao visitante e Instalación e mantemento de xardíns e zonas verdes e unha duración de 9 meses. Participan os concellos de Dumbría, Mazaricos e Santa Comba.
