Xantar popular e actuación de Miguel Torres, Luis Rey e o trío Master.
A comisión de festas dos Milagros recupera unha celebración que tivo moita tradición e que honra a Virxe que deu o nome a este lugar, Santa Catalina, patrona dos estudantes e panadeiros. Será o vindeiro sábado 25 de novembro cunha festa gastronómica. Un xantar popular composto por empanada, tortilla, mexillóns, carne ao caldeiro, pan, postre e café.
Antes (13,00h) haberá unha misa na capela e unha sesión vermouth co trío Master. A música, que se prolongará durante a tarde tamén estará protagonizada por dous grandes solistas galegos, o veterano Miguel Torres e Luis Rey, da orquesta Poceiro. Haberá sorteos e unha gran queimada. Todo nunha carpa climatizada habilitada. Os tickets custan 15 euros e pódense adquirir en Bar Duca, AutoXallas, Xallas publicidade ou na propia festa.
Contan co apoio de varias casas comerciais de Santa Comba e tamén coa colaboración de Adiante Galicia, tal e como figura no cartel anunciador.