ArteSáns de Cultura e o concello de Santa Comba organizan unha actividade que terá continuidade o vindeiro 24 de novembro.
O pasado venres o multiusos de Santa Comba acollía a primeira xornada dun “Cine-Fórum” que ten por obxectivo concienciar sobre a problemática da violencia machista. Proxectábase a película “Princesas” e logo había un coloquio.
“Estamos moi contentas coa acollida que tivo a actividade xa que aínda que non houbo demasiada asistencia, vimos que algunhas persoas si se interesaron e asistiron”. Esta é a valoración que facían para Adiante Galicia desde a asociación ArteSáns de Cultura, que xunto co Centro de Información á Muller do concello de Santa Comba organizan este actividade.
As mesmas fontes apuntan a que o “debate foi curto pero claro”, pero entenden que se trata dunha actividade nova e esperan “que pouco a pouco se vaian animando” e a participación vai medrando.Neste acto participou a alcaldesa María Pose.
Fotograma da película «No estás sola Sara»
A seguinte cita, o 24 de novembro
Desde ArteSáns de Cultura no ocultan a súa ledicia por “colaborar co concello e poder ir sacando actividades para o pobo”.E lanzan unha mensaxe aos mozos do pobo para que asistan á segunda xornada do Cine-Fórum porque vaise a proxectar “unha película dirixida a eles” e que pretende“facelos reflexionar sobre a violencia xuvenil tan presente na actualidade”.
A película que se vai a emitir é “No estás sola Sara”.Será o vindeiro venres 24 de novembro a partir das 10 da noite no auditorio do multiusos. A entrada é de balde.
