4 C
Santa Comba
lunes, marzo 25, 2024

Asinan un convenio para a homologación do Camiño dos Faros

Na sinatura participaron o deputado de Turismo da Deputación da Coruña, Xosé Regueira, e o presidente da Asociación o Camiño dos Faros, Carlos Tasende.

O faro vello de Cabo Vilán acolleu o acto de sinatura do convenio entre a Deputación coruñesa e a asociación Camiño dos Faros, que permitirá financiar a homologación do Camiño dos Faros como senda de Gran Percorrido. A entidade provincial achegará un total de 78.152 euros, o 80% do total do orzamento previsto.

Nesta sinatura participaron o deputado de Turismo da Deputación da Coruña, Xosé Regueira, e o presidente da Asociación o Camiño dos Faros, Carlos Tasende.

Tamén estiveron presentes varios membros da Asociación o Camiño dos Faros, e os alcaldes de Camariñas, Manuel Valeriano Alonso, Vimianzo, Manuel Antelo Pazos, Mazaricos, Juan José Blanco, Ponteceso, Lois García Carballido, Malpica, Eduardo Parga, e Fisterra, José Marcote. Tamén varios concelleiros de Camariñas e Malpica.

O deputado e responsable da área de turismo da Deputación da Coruña, Xosé Regueira, lembrou que desde este departamento «confiouse desde o primeiro momento na fortaleza deste proxecto a nivel turístico e tanto é así que o pasado ano decidiu presentalo en Fitur, un dos máis importantes escaparates do sector, e a partir de aí comezou un periplo administrativo que remata agora coa formalización deste convenio que é fundamental para a súa consolidación, protección e promoción». 

«O convenio significa que un proxecto que naceu hai cinco anos de forma voluntariosa recibe o recoñecemento dos nove concellos e tamén da Deputación que se implica na súa homologación. Para nós é un respaldo que consolida a ruta e asegura o seu futuro», sinalan desde a Asociación o Camiño dos Faros. 

No proxecto que financia a Deputación da Coruña inclúese a diagnose e estudo de definición da senda, a execución de intervencións como homologacións da Federación Galega de Montañismo ademais de topoguía, sinalización e panelización e, finalmente, estudo e execución das medidas e obras de acondicionamento.

A actividade que financia o proxecto pretende converter a Ruta en Senda de Gran Percorrido (GR), o que mellorará o trazado e seguridade, a difusión mediática e o coñecemento por un maior número de persoas, permitindo unha valorización dun recurso natural do que participan nove concellos da Coruña.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos