O Conselleiro de Sanidade presentou hoxe na Laracha o proxecto de ampliación do centro médico e PAC da Laracha no que o Sergas investirá 1,2 millóns de euros.
O conselleiro de Sanidade, Jesús Vázquez Almuiña, visitou hoxe o Concello da Laracha para presentar o proxecto de ampliación do centro médico e punto de atención continuada (PAC). O acto desenvolveuse no propio recinto que albergará a nova instalación, que ocupará o lugar no que ata o pasado martes se situaban as antigas escolas unitarias de Santa Lucía, edificio que está a ser eliminado tal e como acordaron as dúas administracións implicadas.
Precisamente o conselleiro de Sanidade quixo destacar na súa intervención “a implicación do Concello, que sempre deu facilidades e fixo as necesarias modificacións no planeamento” para poder levar a cabo as obras. Vázquez Almuíña afirmou que as instalacións sanitarias da Laracha precisan dunha mellora á que agora se lle vai dar resposta con este proxecto que se executará “cunha especial sensibilidade co entorno e minimizando o impacto visual da fachada” nesta céntrica zona da capital municipal, respectando incluso o álamo centenario que existe xunto á entrada. Sobre as cuestións técnicas salientou que este “será o primeiro edificio público que levará tecnoloxía galega en madeira”, tendo unha gran presenza este material en toda a instalación tanto no aspecto estético como na eficiencia enerxética e o baixo impacto ecolóxico. Neste sentido valorou “a implicación da Xunta coa posta en valor da industria forestal galega”.
O novo PAC terá unha superficie duns 370 metros cadrados e contará cunha sala de observacións, dúas consultas de medicina xeral, unha consulta de enfermería, unha sala de educación sanitaria, recepción, dormitorios para o persoal de garda e almacén, entre outras dependencias, o que permitirá liberar os espazos do centro de saúde para cubrir as necesidades detectadas para a atención ordinaria.
Recreación virtual
Sobre os prazos previstos, o conselleiro confirmou que se está a traballar nos pregos de condicións que rexerán o procedemento de licitación, que agarda estea rematado en “catro ou cinco meses”. O edificio está valorado en 1,2 millóns de euros e o tempo máximo para súa construción será de doce meses.
Vázquez Almuiña estivo acompañado na súa visita á Laracha polo delegado territorial da Xunta, Ovidio Rodeiro; o vicepresidente do Parlamento Galego, Diego Calvo; o xerente do Sergas, Antonio Fernández-Campa; a directora xeral de Recursos Económicos, María Jesús Piñeiro; o xerente de Xestión Integrada, Luis Verde; a xefa territorial de Sanidade, Cristina Pérez; e unha ampla representación do goberno local. No seu nome, o alcalde, José Manuel López Varela, quixo dar “as grazas polo proxecto” a todos os implicados en facer realidade “esta mellora significativa das instalacións sanitarias” e non dubidou en cualificar a xornada como “un día histórico para o Concello da Laracha”.
Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.
Cookies estrictamente necesarias
Las cookies estrictamente necesarias tiene que activarse siempre para que podamos guardar tus preferencias de ajustes de cookies.
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Política de cookies
Nosotros y nuestros socios almacenamos o accedemos a información en dispositivos, tales como cookies, y procesamos datos personales, tales como identificadores únicos e información estándar enviada por un dispositivo, para los propósitos descritos a continuación. Puede hacer clic para otorgarnos su consentimiento a nosotros y a nuestros socios para que llevemos a cabo el procesamiento con dichos propósitos. De forma alternativa, puede hacer clic para denegar su consentimiento o acceder a información más detallada y cambiar sus preferencias antes de otorgar su consentimiento. Sus preferencias se aplicarán solo a este sitio web. Tenga en cuenta que algún procesamiento de sus datos personales puede no requerir de su consentimiento, pero usted tiene el derecho de rechazar tal procesamiento. Puede cambiar sus preferencias en cualquier momento entrando de nuevo en este sitio web o visitando nuestra política de privacidad.