18.6 C
Santa Comba
miércoles, julio 17, 2024

O PP pide un plan de emerxencia contra a seca en Zas

Os populares reclaman medidas polos problemas que a seca está causando en Brandomil, Brandoñas, Muíño, Loroño, Meanos, Santa Sía de Roma e San Adrián. David Gómez denuncia un trato desigual por parte do concello dde Zas.

O portavoz municipal do Partido Popular de Zas anunciou que vai presentar unha moción na que insta ao goberno local do BNG a poñer en marcha un plan de emerxencia para paliar os problemas que a seca están provocando nas parroquias de Brandomil, Brandoñas, Muíño, Loroño, Meanos, Santa Sía de Roma e San Adrián.

“Zas é un municipio eminentemente agrícola e gandeiro e, por tanto, a falta de auga é un asunto moi delicado e que pode xerar moitos problemas aos veciños” afirmou David Gómez que pensa que a falta de abastecemento comeza a ser “preocupante” e solicita unha liña de axudas para financiar a construción, mellora e acondicionamento dos pozos de auga.

Os populares tamén demandan a creación dun servizo municipal para atender “todo o relativo aos problemas xerados pola seca, e que conte cun servizo telefónico de atención ao cidadán”.

“Trato desigual” por parte do concello

David Gómez denuncia un “trato desigual” por parte do concello á hora de abastecer de auga ás parroquias do municipio.

“Chegáronnos queixas de moita xente asegurando que o executivo local non leva a cabo o abastecemento de auga de maneira xusta e equitativa entre os veciños”, indicou Gómez Brandariz.

O portavoz popular tamén pedirá no vindeiro pleno que se inclúa unha partida nos orzamentos para  poñer en marcha accións que “garantan a subministración de auga aos veciños de Zas, que é a verdadeira obriga do Concello”.   

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos