As persoas interesadas teñen dez días para inscribirse.Consulta as bases neste artigo.
O concello de Santa Comba publicou este xoves as bases e a convocatoria para a selección de persoal laboral temporal mediante a constitución dunha bolsa de emprego público temporal de auxiliares de axuda no fogar, mestras e persoal de apoio da Escola Infantil Municipal.
O obxectivo desta bolsa é poder cubrir as “necesidades transitorias de persoal que requiren puntualmente a contratación de persoal” para poder realizar substitucións de persoal que estea de baixa por distintos motivos.
Segundo confirmou a alcaldesa María Pose, con esta iniciativa preténdese poder dar unha resposta áxil ás baixas que xurdan e poder cubrir os postos con celeridade na Gardería municipal.
O concello de Santa Comba ven de abrir o prazo para que as persoas interesadas no proceso de selección se inscriban.Teñen dez días a partir deste venres 3 de novembro.
