Cecilia Vázquez e María Cruz Ferreira estiveron este luns en Santa Comba.
A directora xeral de Xuventude e Voluntariado,Cecilia Vázquez, e a de Calidade Ambiental e Cambio Climático, María Cruz Ferreira, visitaron este mediodía os hortos ecolóxicos que o grupo informal “Equipo Recicla” habilitou nas escolas rurais de Boaña, San Cristovo e O Busto, no concello de Santa Comba, a través do programa “Iniciativa Xove” da Xunta de Galicia co proxecto denominado “achegando a reciclaxe-compostaxe ós mais pequenos”.
As representantes da Xunta foron recibidas no multiusos pola alcaldesa, María Pose, pola concelleira de Asuntos Sociais, Esther Espasandín, e por un grupo de mozos que participaron no devandito proxecto.Logo visitaron as escolas rurais, comezando o periplo pola escola de San Cristovo, onde departiron co director do C.R.A., Suso Mosquera.
Os membros do Equipo Recicla tamén plantaron árbores frutais nestes recintos educativos.
