Declaracións de Amancio Lavandeira ó Adiante Galicia.
O portavoz de Terra Galega cualificou de “desagradable sorpresa” que este 25 de outubro non se celebre o pleno ordinario que estaba fixado.“Que xa non se celebren os plenos ordinarios xa di moito do que pasa en Coristanco” afirmou Amancio Lavandeira que se pregunta se “esta era a urxencia e a necesidade da moción de censura nun concello que está paralizado”.
“Non sei porque non se firmou o decreto de convocatoria do pleno.E algo que terán que explicar e que vai en contra dos acordos do pleno de constitución”comenta Lavandeira que valora presentar unha reclamación se se persiste nesta dinámica.
En declaracións ó Adiante Galicia, o exalcalde asegurou que este pleno non celebrado era froito do descontrol existente no concello:”Non hai un alcalde que estea nas oficinas na hora de funcionamento do concello. Se unha persoa ten que ir ata o Fórum para ser atendido por un alcalde en funcións xa me dirás” declarou.
“Non se fixo nada a favor dos veciños de Coristanco”
Amancio Lavandeira insiste en que a moción de censura debeuse a “intereses particulares” e que “non se fixo nada a favor dos veciños de Coristanco e deben de responder polas medidas que non tomaron”.
“Non se sacan para adiante as licencias urbanísticas, nin houbo ningunha licitación de obras” explicou o líder de Terra Galega en Coristanco.“Agora non hai nada. Non se ocupou a praza de aparellador, nin se fixo ningún procedemento cando eles presentaban como solución a contratación dunha empresa externa. Todo está parado” sentenciou Lavandeira Suárez.
