Unha saída de vía provocou un accidente na localidade dos Muíños, na parroquia de Moraime en Muxía. O coche acabou impactando contra a entrada dunha casa da localidade segundo confirmaba o servizo de emerxencias Axega 112 que foi alertado pola Agrupación de Voluntarios de Protección Civil de Muxía.
Segundo Protección Civil as tres persoas que viaxaban no turismo tiveron que ser excarceradas e trasladadas ao Hospital Virxe da Xunqueira de Cee. No accidente tamén interviron efectivos da Policía Local, 061-Urxencias Sanitarias, e da Garda Civil de Tráfico.
FOTO- AVPC Muxía