@cristobalmourin// Critica o abandono do PP de Camariñas do pleno. Sobre a súa situación xudicial afirma:”Está presentado o recurso e a esperar”.
O alcalde de Camariñas, Manuel Valeriano Alonso de León, criticou o papel do Partido Popular no concello:”Non fan nada no pleno.O único que veñen é a criticar, a defender á Xunta de Galicia e a cobrar”.
En declaracións ó programa “Voces de Bergantiños” de Radio Voz que presenta Verónica Couto, o rexedor camariñán cualifica de “irresponsabilidade total” que os populares abandonaran os últimos plenos.
Para o rexedor “está claro que eles veñen simplemente a cobrar” e que os populares demostran un desinterese “que non existe en ningunha outra parte de Galicia”.
Pichurri lamenta que non haxa propostas en positivo
Bota de menos que o PP non faga “ningunha proposta en positivo” e estean “sen esixirlle á Xunta que invista na fachada marítima ou no porto”No mesmo programa e a través dunha pregunta gravada o portavoz popular Mauro Aufiero dirixiuse a Pichurri deste xeito:“O único que ten que dicirlle o Partido Popular de Camariñas ao señor Valeriano é que cumpra a lei e deixe de usurpar o posto de alcaldes”.
Con respecto a esta petición Alonso asegurou que “hai alcaldes do PP que están condenados ó cárcere e din que van a recorrer ao Supremo porque a sentencia non é firme”.O rexedor pensa que a Aufiero “xa non lle fai caso nadie ou moi pouca xente”.
Sobre a condena de inhabilitación que recorreu dixo que non había novidades:”Está presentado o recurso e a esperar”.