Asistirá o secretario xeral Juan Carlos Piñeiro e o alcalde de Lalín, Rafael Cuíña.
A agrupación local de Compromiso por Galicia en Santa Comba fará a súa presentación pública o vindeiro venres 6 de outubro, a partir das 9 da noite, nun acto que se desenvolverá na Casa do Pozo xalleira.
Despois de meses de traballo organizativo será a posta de longo da organización que lidera David Barbeira. Desde o partido galeguista convidan a tódolos xalleiros a asistir a este acto para coñecer máis sobre o proxecto político que ofrecen para Santa Comba.
No acto intervirán o secretario local, David Barbeira, a secretaria local de prensa, Esperanza Velo, o portavoz de Compromiso na Baña,César Ramos, o alcalde de Lalín, Rafael Cuíña e o secretario xeral Juan Carlos Piñeiro Docampo.
