11.9 C
Santa Comba
miércoles, febrero 28, 2024

Coristanco homenaxeou á pataca por todo o alto

Festa da Pataca 2017//Fin de semana chea de actividades organizadas con éxito polo concello bergantiñán.

O verxel de Bergantiños volveu a convertese nun epicentro gastronómico para honrar á pataca e demostrar que segue tendo moitos seguidores fieis que non fallan a esta cita do mes de setembro.Aínda que a choiva fixo acto de presenza non impediu que se cumprira co programa establecido. O recente cambio de goberno tampouco impediu que o evento contara cunha boa organización.

Desde primeira hora celebrouse a concentración de tractores engalanados e os concursos, animados por unha charanga e unha banda de gaitas. Sobre as 11,30 comezaron a desfilar os tractores acompañados pola comitiva formada polo alcalde Abraham Gerpe, e os concelleiros da corporación Antonio Pensado, Juan García, Clarisa Couto, Emilio Fondo, Luis Souto e Ángeles Eiroa así como a pregoeira Lupe Blanco.Tamén asistiron ás celebracións o portavoz municipal de Terra Galega, Amancio Lavandeira e o concelleiro Andrés Díaz.

O párroco Manuel Mayo encargouse da misa, que foi cantada pola Coral Polifónica Santa Cecilia. Despois chegou o pregón de Lupe Blanco, que foi presentada polo comunicador e director de Adiante Galicia, Xosé Manuel Lema.Lupe Blanco sorprendeu facendo un pregón en forma de regueifa o que foi moi aplaudido polos presentes.Posteriormente, saudou o alcalde Abraham Gerpe e procedeuse á entrega dos premios, na que tamén participou o director de Carrefour Coristanco, Hugo Rodríguez. 

O primeiro premio correspondeu a un “Acuario” feito con patacas,que se levou 1.200 euros e un trofeo. O xurado concedeu o segundo premio (1.000 euros) a “Miñato” e o terceiro ao “Rato” (800 euros). En total neste apartado repartíronse uns 4.700 euros en premios.No apartado gastronómico o primeiro premio foi para o “biscoito de chocolate e patacas” de Abel Núñez Picallo(200 euros), o segundo para José Gómez coas “patacas caseiras”(150 euros) e o terceiro para Jessica Varela coa súa “tarta de rebárbara”.Abel Núñez Picallo tamén gañou o concurso de empanadas cunha feita por “xoubiñas”(150 euros).

No concurso de produtos do campo os premiados foron Marcos Varela Mira (90 euros) Teo e Gael Pérez Pérez(60 euros) e Jessica Varela Mira(30 euros). Iria Sanjurjo(60 euros) e Alexandra(30 euros) levaron os premios das figuras con patacas.Os stands de degustación estiveron abertos desde as dúas do mediodía, aínda que xa desde antes moitas persoas acudiron a carpa da pulpeira habilitada na rúa do Muíño.

A xornada rematou cos xogos populares de Baile da Pataca, Apaña Pataca, Trueiro da Pataca e Tiro da Corda, un concerto de Corais e unha actuación musical no parque municipal.O sábado xa houbo actividades moi concorridas ao longo de todo o día. Unha concentración de coches clásicos, a presentación do álbum fotográfico da parroquia de Traba, xogos infantís e unha verbena.

GALERÍA DE FOTOS

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos