Este sábado comenza a novena. Armonía Show, Os Satélites e Royal espectáculo, no cartel festeiro dunha romaría declarada de interese turístico.
A romaría dos Milagros de Caión mestura a paixón relixiosa coa festa, e de feito aínda que os festexos son o 7, 8,9 e 10 de setembro, a localidade xa empeza a recibir visitantes este sábado 2 de setembro co inicio da novena.
Horario de misas en Caión
Sábado 2 de setembro
20,00h- Igrexa parroquial.
Domingo 3 de setembro
Misas na igrexa as 10, 11, e 12 . A continuación subida ao Santuario, acompañada pola agrupación musical Santísimo Cristo de la Buena Muerte, e misa solemne cantada pola coral polifónica de Corcoesto. Pola tarde misas ás 17,18,19 e 20,00h.
Os días 4,5,6 e 7 de setembro haberá misas de 10 a 12,00h e de 17,00 a 20,00h.
O venres(día dos Milagros). Misas ás 9,10,11 e 12h. Ás 13,00h misa solemne cantada pola coral de Bergantiños. Pola tarde misas ás 17,18,19 e 20,00h.
O sábado haberá misas de 10 a 12h e de 17,00 a 20,00h. E xa o domingo, 10 de setembro, haberá misas no santuario de 10 a 12,00h e de 17,00 a 20,00h.
Posteriormente terá lugar a baixada en procesión, acompañada pola banda de música de Cedeira, e oficiarase unha misa solemne na praza cantada pola coral de Caión. Misas ás 17,18,19 e 20,00h.
Armonía Show, Os Satélites, Royal Espectáculo e Triunfo nos Milagros 2017
Xa na parte lúdica, serán tres días de festa rachada que terán como preludio o Torneo de Chave Festa dos Milagros( domingo 3- 17,30h). A primeira verbena será o xoves 7 coa actuación da orquestra canaria Armonía Show que está en Galicia coa súa xira “Que no pare la música” coa que celebran dúas décadas de existencia.
O día dos Milagros(venres 8 de setembro) haberá pasarrúas coa charanga Ruada, un tren turístico, sesión vermú co grupo Tribal, pola tarde Infantilandia Show e unha verbena con Os Satélites e unha discoteca móbil.
.jpg)
O sábado, o dúo Karmín encargaráse da sesión vermú. Ás 18,00 terá lugar a carreira de carrilanchas, e posteriormente a actuación do grupo de música e baile tradicional da asociación “Arume” de Caión(20,30h). A verbena contará coa actuación da orquestra portuguesa Royal espectáculo e dunha discoteca móbil.
O domingo tamén haberá sesión vermú, ás 18,00 actuará o mago Romarís e remataranse os festexos cunha verbena co grupo Triunfo.
