Abraham Gerpe:»O primeiro que observei é que estamos sen teléfono”

Abraham Gerpe comezou a súa etapa a fronte da alcaldía de Coristanco.

Abraham Gerpe iniciou a súa etapa como alcalde, cos primeiros contactos con distintos concelleiros porque reitera a súa idea de “contar con toda a corporación” aínda que precisou que nestes momentos, a excepción do alcalde saínte, os postos da xunta de goberno “aínda están como estaban, e mentras non dimitan, teño tódolos órganos cubertos”.

Asegura estar ilusionado nesta nova responsabilidade e afirma que “hai moito por facer”, pero lamenta que a primeira impresión non foi boa: “O primeiro que observei é que estamos sen teléfono.Non se pagan as facturas e cortan o teléfono”, comentou Gerpe a Adiante Galicia.O rexedor pensa que situacións coma esta chocan coa saúde económica vendida por Amancio Lavandeira:”Podes recibir pero non chamar desde o concello, gracias aos 4,3 millóns de remanente de tesorería».

O que podería ser unha anécdota é para Abraham Gerpe todo un “drama” xa que segundo se informou “é algo recurrente, que pasa tódolos meses, e non me parece unha boa xestión”.Non poido solucionar este asunto porque non dispón aínda de sinatura electrónica.Uno dos retos que se marca o rexedor e dinamizar a estrutura municipal para que sexa máis áxil.

Neste xornada Terra Galega confirmaba que presentaría un recurso administrativo contra os acordos que validaron a moción de censura. A voceira do BNG, Ana Pontón, considera “unha chapuza legal” e dí que resulta “inconcebible” que se acabara votando a moción o pasado venres. Neste asunto, Abraham Gerpe, convidou a que presentaran as denuncias que estimaran oportunas.