Abraham Gerpe: “Eu vou respectar o mandato da executiva local e dos militantes de base ata o final”.
Orgulloso de defender o mandato dos militantes socialistas
Abraham Gerpe Muñiz emprazou ao PSdeG a “demostrar que me enviaron algunha notificación” para comunicarlle que o expulsarían se non retiraba a moción de censura.
Afirma que se enterou pola prensa desta circunstancia e indica que se é así “síntome orgulloso de haber sido expulsado por defender o criterio da militancia”.
Unha vez máis reitera que el só defendeu un mandato e se “a agrupación local me di que retire a moción con argumentos válidos eu retirareina” pero mentres “eu vou respectar o mandato da executiva local e dos militantes de base ata o final”.
Máis críticas contra Aurelio Sánchez
Pregúntase que sucedería se actuara doutro xeito: Se non a houbera presentado tamén me expulsarían do partido? O concelleiro intúe que pode haber “unha trampa do secretario xeral para expulsarme do partido”.
E contra Aurelio Sánchez volveu a arremeter hoxe:”Aurelio Sánchez estivo difamando á executiva provincial e non foi expulsado.Os intereses particulares de Aurelio Sánchez eu creo que se fan patentes, de pasar a negociar todo co PP a espaldas do partido a abandeirarse do non”.
O PSOE vulnera os dereitos dos militantes, segundo Gerpe
Tamén criticou a contradición do PSOE:”O partido promulga que hai que facer caso aos militantes de base e aquí vulnéranse todos os seus dereitos”.
De tódolos xeitos, Gerpe ten claro que a moción fracasou” Entendo que agora non se vai poder levar a cabo a moción, que era para axudar aos veciños de Coristanco”.O edil lembra que non é militante do PSOE e que foi un dos sete asinantes da moción de censura.
