16.5 C
Santa Comba
martes, julio 16, 2024

O concello de Santa Comba licita a mellora da contorna do CEIP Barrié de la Maza

O goberno de Santa Comba acaba de licitar as obras para a adecuación da contorna do CEIP Barrié de la Maza que contan cun orzamento de 175.666 euros e un prazo de execución de tres meses.

Rematar co feísmo nunha zona de Santa Comba

Segundo o executivo que preside María Pose “este proxecto suporá rematar co feísmo e a deterioración da zona escolar onde se atopan o IES Terra de Xallas, a gardería municipal e o CEIP Barrié de la Maza”.

Tamén destacan que se trata “dunha antiga demanda” da comunidade educativa que permitirá “unha maior seguridade para o alumnado, profesores e familias”.

A actuación consistirá na demolición das antigas vivendas dos mestres e “de parte do muro do colexio ao obxecto de aumentar o ancho das beirarrúas” co adecentamento da contorna con novas beirarrúas e  cunha nova pavimentación, así como colocación de farolas, unha varanda de protección e a correspondente sinalización horizontal e vertical, entre outras melloras.Esta actuación pertence ao POS + 2017.

Melloras na rede viaria

Desde o concello tamén informan da licitación do proxecto de “mantemento do firme no camiño de Picotos a Varilongo e o de Santa Sabiña” cun orzamento de 69.983 euros.

Ademais abriuse o proceso de licitación para a subministración dun tractor con destino á mellora medioambiental cun orzamento de 68.635 euros.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos