Os populares advirten:”Aos concelleiros que apoien o mantemento no posto ao Sr. Valeriano podería acarrearlles a acusación de presunta prevaricación por parte da Fiscalía”.
Un novo pleno en Camariñas antes do 13 de xullo
O Partido Popular de Camariñas ven de solicitar a celebración dun novo pleno extraordinario para “establecer a legalidade e a normalidade na vida municipal” mediante a toma de coñecemento da situación de incompatibilidade “ex lege” do alcalde Manuel Valeriano Alonso de León e que este acordo plenario se remita a Xunta Electoral Central, para que se tramite a credencial e entre na corporación un novo concelleiro en substitución do rexedor. Tamén pídese o traslado do acordo ao Xulgado do Penal número 3 da Coruña e ao Ministerio Fiscal.
O informe da interventora municipal coincide co da secretaria
Un acordo que se tratará nunha corporación na que ten maioría absoluta o grupo de goberno. Pero desde o Partido Popular advirten que “o acordo do pleno debe axustarse á legalidade vixente, por elo, os concelleiros que apoien o mantemento no posto ao Sr. Valeriano podería acarrearlles a acusación de presunta prevaricación por parte da Fiscalía tra-la orde da Delegación do Goberno unha vez teña coñecemento dese tipo de acordo alcanzado no pleno, e onde o Sr. Valeriano continuaría usurpando funcións”.
Así mesmo desde o PP confirman que un informe da interventora municipal coñecido este venres coincide co anterior da secretaria municipal e destaca a “incompatibilidad sobrevenida” de Pichurri no posto de alcalde.
Actos municipais nulos de pleno dereito
Os populares queren que se cumpra coa normativa vixente “para estes casos de inhabilitación e incompatibilidade, coa sustitución polo seguinte da lista do PSOE do posto que deixa vacante o Sr. Valeriano”.
Nun comunicado de prensa sinalan que o seu obxectivo é que “no menor prazo posible, poidamos, e deixemos de ser agora mesmo un Concello sin firma e onde prácticamente todos os actos administrativos que intenta sacar adiante o Sr. Valeriano, levan o reparo e carácter suspensivo das funcionarias principais do Concello, sendo ademáis nulos de pleno dereito”.
