Arrancaron as festas do San Xoán na capital de Bergantiños co pregón de Ángel Carracedo.
Carballo está de festa. E como é habitual na praza do concello celebrouse a lectura do pregón, cun convidado de excepción, o recoñecido xenetista e Catedrático en Medicina Legal, Ángel Carracedo.
“Este é o meu terceiro pregón e seguramente o último da miña vida, porque os pregóns só se poden dar nos sitios dos que se sinte un. Un foi en Santa Comba a miña terra natal nas festas de San Pedro; outro, o das festas do Apóstolo en Santiago, a miña terra adoptiva, e este ten que ser aquí en Carballo, a miña terra bergantiñá querida, que non sei que me pasa con ela pero canto máis estou máis me gusta seguir aquí” asegurou Ángel Carracedo.
O investigador referiuse a ligazón familiar que mantén con Carballo e coa comarca de Bergantiños:“Como moitos sabedes os Carracedo de Santa Comba somos de Rus”.
Pero tamén no aspecto profesional (“Descubrín aquí en Carballo país e nais que son un exemplo do que fan con fillos con problemas”), e no educativo:“De cando en vez escollo algún rapaz para apadriñalo no seus estudios, e mirade que vou por toda Galicia, pero os últimos son todos de Bergantiños”.
Emotivo discurso de Evencio Ferrero
O alcalde de Carballo, Evencio Ferrero, ofreceu unha emocionada intervención cun agradecemento a Carracedo, e unha lembranza para o policía local recentemente falecido, José Luís Garea, e para o tamén finado Paco Souto.
As Festas de San Xoán celebraranse ata o 26 de xuño. Non faltará o Concurso de Cachelas, a Festa do Bosque e o Descenso do Anllóns. Actuarán as orquestras Trébol,la última Legión,Compostela, Graffiti e Israel, e tamén os Festicultores, Ce Orquestra Pantasma ou Lagartija Nick.Este sábado 23 de xuño, as 23,00h terá lugar a actuación estelar dos festexos a cargo de David Bustamante.
Consultar programa completo nesta ligazón
