O Partido Popular critica “a actitude ditatorial e prepotente” de Pichurri no pleno do pasado martes.
O Partido Popular de Camariñas difundiu unha nota na que amosa o seu rexeitamento pola “actitude ditatorial e prepotente do Sr. Valeriano co apoio dos concelleiros socialistas”. Aquí pode lerse a nota completa.
Aseguran que nese pleno quedou demostrada a catadura moral dun alcalde que utilizou a confianza dos votantes “para beneficiar aos seus militantes, por iso está condenado, e en ocasións a el mesmo”.
Recriminan a decisión de Alonso de León de non deixar pronunciarse á secretaria no pleno do pasado martes e pensan que “Camariñas en estes momentos e máis parecido a unha pequena Venezuela que a un pobo da Costa da Morte”.
Críticas ao informe de Francisco Caamaño
O grupo que lidera Mauro Aufiero insiste na mensaxe das últimas datas:”O Sr. Valeriano está condenado a 4 anos de inhabilitación por prevaricación continuada”, e considera vergonzoso que se presentara no pleno “un informe feito por un catedrático de Dereito Constitucional que foi Ministro de Xustiza de este país que o mínimo entendemos que debería aparecer nese informe e que o Sr. Valeriano ten que cumprir a lei e non acompañalo a que siga infrinxindo a Lei”.
Reiteran que o informe emitido pola secretaria está claro e polo tanto o alcalde debería dimitir e dar paso a outro integrante da lista do PSOE. Lamentan que un ex ministro como Francisco Caamaño se “poña a carón dun corrupto sentenciado” mediante un informe.
“Non é a 1ª vez que este persoaxe se salta a Lei e se atreve a chamar corruptos e poñer en entredito a honradez dos demais, onde o PP quere recordarlle que a día de hoxe no Concello de Camariñas él é o único que está condenado por corrupción, e si di que ten a conciencia moi tranquila é que ten moi mala memoria”.
