O PSdeG pide explicacións a Feijóo polo suposto intento de suborno en Coristanco.
A denuncia por parte da concelleira de Terra Galega de Coristanco, Laura Tasende, dun soposto intento de suborno xa atravesou as fronteiras comarcais e colocouse na axenda política de Galicia.
Foi a presidenta da xestora do PSdeG, Pilar Cancela, a que pediu hoxe ao presidente da Xunta de Galicia, Alberto Núñez Feijóo “que explique públicamente se respalda as prácticas do seu partido en Coristanco”, e asegura que se denuncia “un intento de suborno por parte do PP para apoiar unha moción de censura que lle devolva a alcaldía”.
Cancela dixo queres coñecer “se ese é o modus operando do PP en toda Galicia” e se “ese tipo de prácticas” foron habituais nas mocións de censura levadas a cabo en Galicia ou se “hai máis ofertas deste tipo que teñen pensado realizar para obter o poder a calquera prezo”.
A dirixente socialista, persoa de confianza de Pedro Sánchez en Galicia, asegura que estas acción son “un gravísimo ataque á democracia” que “merece unha explicación inmediata”.Para Pilar Cancela “a corrupción xa non deixa nin o máis mínimo espazo de credibilidade” ao Partido Popular.
