Sandra Vilela denuncia o estado de abandono no que se atopan as pistas deportivas de Villarmide, Castro, Morpeguite e Senande.
O Partido Popular de Muxía sinalou ao concello de Muxía como responsable da falta de mantemento que provoca o mal estado no que se encontran as pistas deportivas de Villarmide, Castro, Morpeguite e Senande.
Aseguran os populares que non estamos ante “un asunto puntual” xa que “o goberno municipal leva moitos anos sen facer nada para garantir a boa conservación destas pistas deportivas, nas que, é sinxelo encontrar maleza e vestiarios sucios e totalmente desfeitos”.
Segundo Sandra Vilela “estamos a falar de instalacións que no seu día pagáronse con cartos públicos e que agora se atopan nun estado ruinoso”. A voceira do PP lamentou que o alcalde Félix Porto transmita a sensación de que “lle importa ben pouco malgastar os fondos públicos”.
Sandra Vilela critica a deixadez do goberno de Muxía
Recriminan nun comunicado de prensa que a “deixadez municipal” non contribúe a afianzar a poboación xuvenil nun municipio que está a sufrir unha “notable perda” de xente nova nos últimos anos.
“Co seu comportamento, o único que logra o alcalde é poñerlle trabas á xente nova que vive no rural para facer deporte e para que se senta a gusto en Muxía” declarou Sandra Vilela, que emprazou ao goberno municipal a adoptar as medidas necesarias para arranxar as pistas polideportivas existentes e nas que se permita tamén practicas outros deportes como o tenis ou o baloncesto.
“Temos unhas infraestruturas que debemos potenciar, e ás que podemos sacarlle moito partido realizando un pequeno investimento” afirmou Vilela.
