Os vindeiros 23 e 24 de xuño Santa Comba Móvese, o 23 festa de San Xoán e o domingo 25 actuará o Mago Antón.
Santa Comba Móvese
Uns corenta comercios de Santa Comba participan na iniciativa da asociación de empresarios, Santa Comba Móvese 2017. Isto permitirá que durante a fin de semana de San Xoán, os veciños da comarca poidan beneficiarse de descontos, agasallos e premios coas súas compras.
Ademais nos establecementos de hostalaría haberá menús a prezos especiais e pinchos. Pero iso non é todo. O venres 23 de xuño a partir das 4 do serán na praza do Campo da Feira haberá inchables para nenos, a actuación da Charanga Tíralle do Aire e e un tren turístico percorrendo as rúas do pobo.
A asociación de empresarios conta co apoio do concello de Santa Comba e coa colaboración de Arco Iris, Almacenes Seromavi, Cafetería Supermercado A Nosa Vila, Deportes Amarelle, Euronics, Comercial Espaher, Fontanería Gesto, Joyería Romar, Electrodomésticos Sampedro, Marcapel e Pisotones.
San Xoán 2017
O venres 23 de xuño, no Campo da Feira, a Comisión de Festas de San Pedro organiza a festa da noite de San Xoán, cunha cea a partir das 22:00h. Non faltará a tradicional cacharela, os inchables de El Juguetón, e a música.
Esta actividade celébrase días antes do arranque das Festa de San Pedro, o 28 de xuño.
Mago Antón e deporte en Santa Comba
O domingo 25 de xuño a partir das 9 da noite, o campo da feira acolle o espectáculo dun dos magos e ilusionistas máis sobranceiros do país, o Mago Antón, dentro das actividades do Verán Xalleiro 2017 do concello de Santa Comba.O sábado 24 e o domingo 25 de xuño haberá un torneo de fútbol 8 no campo de Fontenla, e ese domingo celebrarase a segunda edición das Andainas Saudables.
