Os populares denuncian a existencia dun vertedoiro municipal “ilegal e incontrolado” nas inmediacións do colexio de Zas.
Un día despois de que o alcalde de Zas,Manuel Muíño Espasandín, anunciara a adquisición da Carballeira de Baio, o Partido Popular denunciou a denunciou hoxe a existencia dun vertedoiro municipal “ilegal e incontrolado” nas inmediacións do colexio de Zas, onde hai localizados restos de material de obra, uralitas, plásticos, colchóns e ata un coche.
O portavoz do Partido Popular pídelle ao executivo local a que tome medidas no asunto e aclara que este vertedoiro está ubicado nunha leira de titularidade municipal.
“É curioso que Manuel Muíño presuma de ser un alcalde que se preocupa polo medio ambiente e polo desenvolvemento sustentable e despois atopámonos con estas sorpresas” manifestou David Gómez, cualificando a situación de «especialmente grave» con especial mención á uralita porque “estamos a falar de uralita con amianto e todos sabemos que iso é un material que se debe tratar con moito coidado e que non se pode manipular de calquera xeito”.
O Partido Popular avisa eo SEPRONA
Gómez Brandariz acusou ao alcalde de Zas de anunciar moitas cousas «pero logo non cumpre case ningunha» e alertou da presenza de ratas na zona.O Partido Popular agarda unha reacción por parte do goberno local, aínda que informo que dará conta da situación ao SEPRONA.
“Sabemos que a rapidez non é a característica fundamental deste goberno á hora de facer as cousas. Para exemplo, a documentación que lle pedimos sobre os contratos municipais e que aínda estamos esperando por unha explicación” declarou o voceiro popular.