13.3 C
Santa Comba
lunes, agosto 8, 2022

O conselleiro de Sanidade comprobou en Santa Comba o programa TELEA

Unha plataforma de control teleasistido que funciona experimentalmente nos centros de saúde de Santa Comba e Mazaricos.

O Conselleiro de Sanidade, Jesús Vázquez Almuiña visitou  o Centro de Saúde de Santa Comba para coñecer de primeira man o fucionamento do programa TELEA, unha das apostas do Sergas para conseguir unha abordaxe integral da cronicidade na atención primaria grazas ao uso das novas tecnoloxías.

Almuiña destacou que TELEA pasa xa de ser piloto a converterse nunha realidade. Agradeceu aos profesionais do centro o traballo que levan realizado, lembrando que é un proxecto de innovación que permite por en contacto aos equipos de profesionais cos pacientes e que conta co financiamento europeo. Para o conselleiro, esta ferramenta correspóndese cunha nova atención primaria máis personalizada.

TELEA é unha plataforma que permite implantar un modelo de control teleasistido do paciente crónico dende atención primaria. Cada paciente incluído neste programa poderá medir no seu domicilio, de forma regular e autónoma, as súas variables (tensión, glicemia…) e rexistrará os resultados directamente na plataforma.

Estas variables aparecerán incluídas na súa historia clínica. O profesional sanitario responsable do seu control poderá visualizar e monitorizar esas constantes e comunicarse co paciente se fose necesario. A comunicación poderá realizarse por vía telefónica, videoconferencia ou mesmo presencialmente. Segundo a situación do paciente, levaranse a cabo as actuacións necesarias para restaurar a normalidade e previr recaídas ou reagudizacións.

Deste xeito, o persoal de enfermería exercerá as funcións de xestores no caso dos pacientes crónicos pluripatolóxicos que están nos seus domicilios. TELEA permitirá tamén que, no caso de pacientes con gran dependencia, sexa o coidador quen poida interactuar e aportar información do paciente aos profesionais sanitarios.

As funcionalidades da plataforma TELEA permiten aos profesionais ter unha actitude proactiva no seguimento do paciente, dando una resposta en tempo en caso de alteración da patoloxía de base e posibilitan establecer niveis de control personalizados en función das necesidades clínicas, sociais ou funcionais de cada paciente. Ademais permite o contacto co paciente no seu propio domicilio, evitando desprazamentos.

Na actualidade TELEA funciona en fase de pilotaxe nos centros de saúde de Santa Comba e Mazaricos con 23 pacientes adscritos. Agárdase que a finais de ano poida estar instalado nos catorce centros previstos.

 

Fonte- Consellería de Sanidade-Xunta de Galicia

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,782SeguidoresSeguir
465SuscriptoresSuscribirte

Últimos artigos