Pleno este venres.O PSOE pide que o “aforro” da autovía da Costa da Morte se destine á mellora do treito entre Santa Comba e Portomouro.
O PSOE pide frear o abuso das compañías eléctricas
Santa Comba celebra este venres o pleno ordinario do mes de maio. Entre os asuntos figura unha moción na que o Partido Socialista propón que se solicite a Consellería de Infraestruturas que “os aforros que se produxeron, como consecuencia da conversión da Autovía da Costa da Morte nun corredor, se invistan executando a obra de acondicionamento da estrada AC-406 Portomouro-Santa Comba”. A mellora desta estrada foi un dos asuntos más tratados nas distintas lexislaturas na capital do Xallas.
No texto, o voceiro José Antonio Ucha,explica que coa conversión de parte da autovía da Costa da Morte en corredor, obterase un aforro duns 18 millóns de euros, unha cantidade que permitiría desenvolver o proxecto de mellora deste treito e mellorar a comunicación coa capital de Galicia para “saír do atraso económico e industrial actual”. Os socialistas lembran que se trata dunha “desas vellas promesas incumpridas polo goberno do PP”.
O PSOE tamén presentou outra moción na que demanda unha solución ante as deficiencias eléctricas en distintos puntos do concello. Queren que o concello asesore aos veciños para chegar “se fai falla á vía xudicial” para acabar cos “abusos” das compañías eléctricas. Tamén queren que a corporación local inste á Consellería de Industria a cumprir coa súa obriga de vixilancia das infraestruturas eléctricas.
Piscina municipal e colexio Barrié de la Maza
Neste pleno, o goberno que preside María Pose(PP) someterá a aprobación o proxecto de execución do “acondicionamento do vaso e do circuito de agua quente sanitaria na piscina cubierta municipal”, así como unha correción de erros para poder desenvolver o proxecto de mellora do firme das rúas Rosalía de Castro, da praza do mercado, da corredoira da Torre, Ferradura e das que se atopan na contorna do Centro de Saúde, así como o proxecto de adecentamento da contorna do C.E.I.P. Barrié de la Maza.O pleno comenzará as 20,30h.
