Moncho Borrajo, Evaristo Calvo, Oswaldo Digón e Quico Cadaval conforman o elenco do festival larachés.
O concello da Laracha organiza a quinta edición do Festival do Humor, que reúne a catro artistas de recoñecido prestixio e sitúan a este municipio nun punto de máxima atracción para os aficionados a este tipo de espectáculos.
Este vindeiro mércores póñense a venda as entradas. O custe será de 5 euros para cada unha das funcións, que se desenvolverán os venres as 10 da noite.
O popular showman ourensán Moncho Borrajo será o primeiro en actuar, o 5 de maio. Á semana seguinte, 12 de maio, será a quenda de Evaristo Calvo con “O Barrantes”, onde representa a personaxe que interpreta na serie da TVG “Casa Manola”.
E o 19 de maio, o protagonista será o lucense Oswaldo Digón que chega co seu espectáculo “Gente triste”, avalado polo éxito que está acadando na capital de España.O colofón a este V Festival do Humor da Laracha será o veterano contacontos Quico Cadaval.