17:48- Os cinco tripulantes do pesqueiro «Centolo» xa foron recollidos este mediodía no peirao de Laxe por un vehículo do 112 que os levou para Muxía.Na súa chegada a porto declararon que todo sucedera moi rápido tanto o accidente como o propio operativo de rescate. Imaxe da TVG
12:24– Salvamento Marítimo agradece a colaboración do pesqueiro «Caprichosa dos». A operación de salvamento durou 15 minutos.
10:12-O responsable de Protección Civil de Muxía, Ramón Pérez, confirmou na TVG que os mariñeiros do “Centolo” viaxaban nun barco cara o peirao de Laxe. Dixo que as causas do accidente se descoñecían pero asegurou que “o normal e que fora unha vía de auga”.
Os cinco tripulantes do “Centolo” tiráronse ao mar e foron rescatados por outro pesqueiro que faenaba pola zona. Ata o lugar desprazouse o Salvamar Altair que estaba en Camariñas e o helicóptero Helimer.
9:42- Os cinco mariñeiros do «Centolo de Muxía» desembarcarán no peirao de Laxe segundo informa Salvamento Marítimo.
9:20- Ampliaremos información.O pesqueiro muxián “O Centolo” afundiu hoxe, ao parecer ao sufrir unha vía de auga. Estaba traballando a sete millas das Illas Sisargas e a 21,5 de Cabo Vilán.
Os cinco tripulantes están ben. “O Centolo” é unha embarcacións de 14×4 metros.
Na zona do afundimento están a esta hora varios pesqueiros con base no peirao de Muxía como o “Farelo”, “Os Castro” ou “Caprichosa Dos”.
