«Esta non é a forma de resolver un problema, o que ten que facer é solicitar a ampliación do núcleo” afirma o voceiro de Terra Galega.
O voceiro municipal de Terra Galega, José Manuel Rodríguez Blanco, cualificou de “vergonzosa” a actitude do alcalde de Vimianzo, Manuel Antelo, na concentración que tivo lugar este mércores en apoio a Evaristo Blanco Blanco, que ten unha orde de demolición sobre a súa casa na parroquia de Bamiro.
“É vergonzoso que se una todo o pobo e que o alcalde veña a insultar á persoa afectada e despois chamar á Guardia Civil para que non se fixera ruído” manifesta Roque que ademais acusou a un concelleiro do equipo de goberno de “enfrentarse á xente”.
Para Rodríguez “esta non é a forma de resolver un problema, o que ten que facer é solicitar a ampliación do núcleo” e non manter unha actitude “ditatorial”.
Unha ditadura pura e dura
O voceiro de Terra Galega pensa que no concello está agromando unha forte oposición ao goberno:”A xente de Vimianzo estase mobilizando ante este desgoberno e ante esta ditadura pura e dura” e pon como exemplo a concentración de apoio ao Servizo de Axuda no Fogar e esta.
“É a segunda manifestación contra a maioría absoluta deste goberno da Marea ou de Podemos” afirma José Manuel Rodríguez, que lembrou que “finalmente logrou saír adiante coa súa privatización dos servizos sociais municipais”.
