Eu Son Mazaricos lanza un novo vídeo sobre un hipotético futuro do concello e cunha interpretación estupenda de María de Jirra.
Un vídeo que activa o amor propio cunha visión optimista do futuro. Así poderiamos resumir a nova produción da asociación cultural “Eu Son Mazaricos” chamado “A Esencia de Mazaricos. O Futuro”.
Este vídeo conta coa participación estelar e excelente de María de Jirra, que representa á alcaldesa de Mazaricos no ano 2040. Unha alcaldesa que se dirixe ós seus veciños mediante un vídeo. Un concello que ten “ a sartén polo mango”, cunha potente industria láctea transformadora, co subministro eléctrico gratuito, con altas de novos veciños continuas, empresas instaladas no municipio, con plantacións de árbores autóctonas e ata unha autopista nas Maroñas.
No vídeo, que contou co apoio económico da Deputación provincial e a colaboración do concello de Mazaricos,tamén aparece o actual alcalde Juan Blanco, e varias imaxes do concello actual.
Pode que todo sexa un soño, pero moitas persoas adican as súas vida a pelexar por eles.